الغلط فين
صالح عباس حمزه
الغلط فينا ولا الغلط في الناس
الحس فينا زيادة ولا الناس ملهاش
ولا الغلط بقى موضة
والناس ما تدراش
والغلطة دايما بتصححهاش
لو شفت حد ماشي
والمشية كانت معيوبة
وروحت قايل له كده غلطه عليك محسوبة
راح خلاني في الشارع أضحوكة
وانا ماشي في يوم في الشارع
لقيت شاب وسيم ماشي
وماسك في ايده كلب لئيم
وماسكة بسلسله دهبية
تجيب متين جلابية
تستر الناس الغلابه دي
واللي ماشية وهدومها مقطوعة
تكلمها تقول لك موضة
ولما قلتيلها يا بنتي عيب
صرخت وكانها مسحورة
والناس جريت عليا مسعورة
وبيضربوني كاني كورة
ورجعت البيت وايديا مكسوره
ولومت نفسي و قلت وانا مالي
من النهارده لازم اكون في حالي
