تعرف تقول لي
كتبه/ صالح عباس حمزه
تعرف تقول لي يعني ايه
كلمه اخلاق وتساوي ايه
هتقول لي يعني حاجات قديمه
او ممكن تقول ما لهاش قيمه
وعدي عليها الزمن وفات
وممكن نعرضها في الفترينات
بس يا ريت يبقى لها قيمه
او نحطها في فيلم سيما
ما هو عدى عليها زمن وفات
وبقت في ماضي الذكريات
وما حد حتى قال لها سلامات
لو شفت العيبه
وقلت دي عيبه
هيقول لك بطل خيبه
اكدب واضحك على كل الناس
هتبقى دبلوماسي ويحبك كل الناس
اسرق و انهب تبقى شطاره
واضرب كل واحد في الحاره
هيقولوا ده راجل و فتوبه كل الحاره
