الطبع غلَّاب
بقلم / على حزين
**الطبع غلَّاب**
**وأنا طبعي طيب**
**وفيه ناس طبعها قلَّاب**
**وما ليها في الطيب**
**وفيه ناس طبعها كيف الماس**
**والأصل ونَّاس وطيب**
**وسبحان من خلق ورزق**
**قلب مليان بالحب**
**وقلب ما طيب**
*****
**والناس معادن كيف المعادن**
**أشكال وألوان**
**ومثل السمك في البحر**
**والطير في السماء**
**أشكال وألوان , معادن يا ناس ,**
**وكما قال أفضل الناس ” العرق دساس “**
**والطبع غلَّاب , والأصل ونَّاس**
**منهم معدوم الخير**
**ومنهم الطيب**
**نصيحة يا صاحبي**
**قبل ما تصاحب حاسب**
**وخلي معاك ميزان حساس**
**توزن به الناس**
**حديد , ودهب.. ورصاص**
**وفضة , وصفيح , وقصدير ونحاس**
**والناس أنواع , وأجناس ,**
**والقلوب بتختلف ,**
**وكلام الناس , يتوزن بميزان حساس**
**فيه ناس قلوبها حجر**
**وناس قلوبها مثل العنب**
**وناس دهب خالص**
**وناس نحاس , وناس تراب**
**وناس عندها إحساس**
**وناس تضعها في العين**
**وناس تضعها على الراس**
**وفيهم ناس بالمداس تـ نداس**
**يعني لو مشيت ولا دست عليه**
**لا يشتكي , ولا يعاتب , طيب**
**وناس زي اللهب**
**وناس كلامها يتوزن بالماس**
**وتلاقيه حساس ,**
**وناس حبيبهم من حضر**
**وعدوهم من غاب ,**
**ما عندها أصل ولا أساس**
**ولا عرق طيب
**يا خالق الخلق من تراب**
**ومن نور, ونار, وواهب طباعها**
**قلوب الخلق بإيدك مرجعها**
**وأنت الـ طابعها**
**على الخير والشر**
**ومقسم بين الناس الأرزاق**
**وجاعل ناس طبعها الحب**
**وناس طبعها عَطَب**
**وكله مخلوق من تراب ..**
**وإلى التراب**
*****
**يا رب يا واهب القلوب أشكال وألوان**
**وأعطى , ووهب**
**هب لي قلب مليان بالخير**
**لا يؤذي أحد , ولا يكره**
**ولا يغضب , ولا يتعب**
**ولا يشيل من قريب , ولا غريب**
**ولا يكل , ولا يمل , من ذكرك**
**وفيه الإحساس , والخير للناس ..**
**وحبك يا رب ….**
