عالم غريبة
كتب/ صالح عباس حمزه
دنيا يا ابن عمي غريبة
الناس اللي فيها عجيبة
دي ناس ملهاش غير في النميمة
وناس تافهة ملهاش اي قيمة
وفي يوم جمعتنا قعدة
وكنا شباب كتير
في جنازة لواحدة شابة
ماتت في سن العشرين
واهلها يا ناس غلابة
ودمعهم على الخد سال
والسكوت ما بينهم محال
ودوام الحال دايما من المحال
ونرجع للشباب من تاني
اللي قام منهم واحد وقال في ثواني
شفت الواد ابن مجلع
شوف يا اخويا ماشي بيجلع
مش ابوه ده كان فقير
وما كانش لاقي تمن الرغيف
اهو ماشي في الدنيا هايص
وما حدش همه في الدنيا خالص
وجيبة بقي بالفلوس مليان
وشبع بعد مكان جعان
و ما شايف حد قدامه
علشان ربنا اداله
وشاب تاني راح مغير الكلام
وقال شايف البنت ساميه
البنت اللي بقت سايبه
بس البنت حلوه وجميلة
وقلوب الناس معاها حيلة
وكل ده علشان جميلة
بس الناس شافوها
ماشية مع الواد ابن سمير
بيتمشوا سوا على النيل
ومهمهم لا مطره ولا طين
بس يا خسارة اخو ساميه كان قاعد وسطيهم
والحميه راحت واخداه
راح قايم ضربة ضربة
وكانت هي النهاية
اللي قفلت قصه حياتة من البداية
رحت قايم جري من وسطهم
ورحت دار ستهم
وقلتلها على الخبر الحزين
وان شاب مات من عندهم
والناس سابتهم وجريت
خربت بيوت الاتنين
وادي النميمة ومجايبها
