الله يرحمك
كتبه/ صالح عباس حمزه
الله يرحمك يا أمه
والله من بعدك الدار بقت ضلمة
يالي كنتي مفرحانا
وكنتي بتحسي بينا
قبل ما نحس بعضنا
كنتي انتي النور لعنينا
والفرحة اللي في قلبنا
كنتي بتحزني علينا
قبل ما نحزن علي بعضنا
وكنتي الحضن الكبير اللي بيلمنا
كنتي وسطينا نعمة ربنا
علمتينا الحب واذاي نحب بعضنا
وفي يوم وقبل الفجر بشوية
ناديتي علينا كلنا
وقلتي لينا هتوحشوني كلكم
وراحت الروح لصاحبها
والبكا والنوح بيقطع قلبنا
وراحت البسمة اللي في حيتنا
وبعد ده كله مشيتي وسبتينا لوحدنا
