وداعا أحمد رفعت

بقلم : أيمن كمال
رفعت وقع واغمي عليه
دكاترة بسرعه بصوا عليه
مفيش إنعاش مفيش إسعاف
الكل اتصدم الكل خاف
ساعات تعدي ودقايق تمر
ولا في خبر او حاجه تسُر
الكل بيدعي من جوه القلب
يارب النبض يرجع و يدب
استنواا.. رفعت فاق وقلبه دق
بعد ما مات وكان ليه الحق
وهما عصابه ولا حد رَق
دعوات الناس مليانه خوووف
وقلب رفعت هان يا ظروف
ايه دا … رفعت طالع مع فايق
الحمد لله اكيد بقي رااايق
ايه دا … صوته مليان شجن
ابتسامته مكتومه في العَلن
رفعت حزين دااا اتسجن
خانووه ونسيوا الوعد
يتصل محدش بيرد
صرح وقال انخدعت
بدون اسماء انهنت
وختم الحلقه وعيونه مهزومه
من يأس وخوف وعيون مهمومه
رفعت ودع كل الناس
بعد ما حبس كل الأنفاس
رفعت مات… يا منظومه مُنحطه
بيقولوا كورة وأندية وليها رابطة
تحليل ودعايا وإعلانات كلها هابطه
الحقوا… رفعت وقع وبقينا في ورطه
مفيش حداد إلهوهم بماتشات اونطه
وطلعوا المسئولين يبرروا الغلطه