كتب/ صالح عباس حمزه
جميله بس في الجواز ملهاش
كل ما يخطبوها تقول مش عايزه بلاش
كبرت وبقت زي حوريه من الجنه
وخطبها على الباب مستنييه
كلهم عندهم عشم يكونوا من المقبولين
لما بتمشي بتكون زي الغزال شارد
وشعرها على الكتاف رايح
وعيونها عيون جميله
بتتكتب فيها الاشعار
الناس بتناديها ليل ونهار
العيون كلها عليها
والعشاق دايما بتناديها
وتدعي لها ربنا يخليها
ولما شفتها امبارح
صعبت عليا ورق قلبي ليها
كان نفسي اخدها واوديها
على طبيب نفسي يداويها
يمكن تكون عنده الحل
يكون سبب وربك يداويها
