تحرير سيناء
بقلم / محمد عباس
الاسماعيليه
………..
حرب القوة وحرب السلم
حرب تفاوض لاجل الحلم
وتعود سيناء نهضه وعلم
بايدين حرة وفكر رشيد
عادت سيناء وكل اراضينا
بدماء شهداء نادوا علينا
احنا نحررر وانتوا هتبنوا
لاجل مانعرف نهضة مصر
وعقول حرة تجيب النصر
عشنا الان وبنبني القصر
ونشييد في مباني وحصر
حصري مثالي لاجل عيالي
تهدا وتغلا ونبقي غوالي
ونفاخر بجنود بنوا مصر
ونراجع ذكرانا في نصر
ونبارك ايامنا في سيناء
ونوفي الندر اللي علينا
يوم مانرجع حلم جدودنا
يوم ماتعود خضرة اراضينا
ونشوف سيناء علم وخضرة
بعد ست سنين اليمة
عشنا بنبكي ويحكوا علينا
قلنا للاستعمار جو و بره
و اهو عادت بسمة اهلينا
شعبنا وافي جندك عافي
شق ظلام الليل وسنينه
خطط فكر لاجل يجينا
زلزال وبارود جابت اراضينا
الله اكبر و عادت سيناء
بسمة ونهضه وخضرة جنينه
شط وميه وحب ملينا
فخر ولادي اغلي مالينا
عز بلادي فرض علينا
لما جنودنا عبروا لسيناء
ارضي وربي راضي علينا
موسي ومريم سكنوا واديها
لما تجلي ربي عليها
مهبط اديان رمز محبه
ارض سلام للعالم كله
نور ومودة وشمس وضله
من شرق ونهضة وشمال
وجنوب غرب الان وزمان
في العيد فرحه وكل مكان
في كنيسة ومسجد وميدان
وفانوس في الشارع واذان
ومدافع في موائد الرحمن
عام طيب ونصر امان
شهداءنا وفي كل زمان
وبندعي لكل الاوطان
وشعارنا شعارنا الله اكبر
من شر رموز الطغيان
