صوتك أمانه

بقلم/نشأت البسيوني

يا جماعه إحنا دايما بنقول البلد دي بلدنا وعايزينها تبقى أحسن طب إزاي هتبقى أحسن وإحنا سايبين صوتنا يضيع الانتخابات مش مجرد ورقه بنحط فيها علامة لأ دي مسئولية دي أمانه في رقبتنا صوتك مش بس رأي صوتك مستقبل صوتك ممكن يغير حال بلد كاملة ماتقولش هو صوتي هيعمل إيه أصل كل صوت بيكمل التاني وكل صوت بيقربنا من التغيير اللي بنحلم بيه اختار بعقلك مش بعاطفتك شوف مين فعلا يستحق مين اشتغل قبل كده مين سمع الناس، ومين كان معاهم وقت الشده مش وقت الكاميرات بلدنا محتاجه الناس اللي بتحبها بجد مش اللي بتدور على الكرسي فـ يوم الانتخابات انزل وارفع راسك وافتكر إن صوتك أمانه والأمانه دي لازم تتأدي في وقت الانتخابات كل واحد فينا بيكون عنده دور مهم جدا يمكن ما نحسش بيه قوي بس هو فعلا أساس التغيير صوتك مش حاجة بسيطه ده أمانه في رقبتك وحق لبلدك عليك الانتخابات مش مجرد ورقه بنملاها أو اسم بنختاره دي لحظه بنحدد فيها مصيرنا ومصير أولادنا لما بتنزل وتدي صوتك للي يستحق إنت بتشارك في بناء وطنك وبتقول أنا موجود وعايز بلدي تبقى أحسن المهم تختار بعقلك مش بالعاطفه شوف مين فعلا خدم الناس ومين كان صوته دايما معاهم مش بس وقت الانتخابات شوف مين عنده فكر وقدره يغير ومين هدفه المصلحه الشخصيه ما تخليش حد يضحك عليك بكلمه حلوه أو وعود فاضيه لأن بعد ما تدي صوتك خلاص الأمانه دي بقت في إيده فاختار اللي فعلا تحس إنه أمين عليها واللي قلبه على البلد مش على الكرسي بلدنا محتاجه كل صوت نضيف محتاجه الناس اللي بتحبها بجد وبتخاف عليها فـ يوم الانتخابات انزل وشارك وافتكر إن صوتك أمانه والأمانه دي لازم تتأدي بضمير