ده عريس
كتبه/ صالح عباس حمزه
وادي عريس في يوم فرحه
فرحان وبيرقص في فرحه
لابس من الهدوم بدله
منسوجه بنسيج الفرح
والكل بيحسدوه علي فرحه
كانت أمانيه كبيره
وأحلامه في الدنيا كتيره
كان حلمه يكون اب كبير
لاولاد وبنات كتير
بس يا خساره
ربك كان كاتب نهايته
من اول يوم بدايته
وقع على الأرض جسد من غير روح
سايب في قلب أهله جروح
وبكا ونوح بلا نوم ولا لوم
ودعوه في جنه الخلد يا عريس
يا اللي ما لحقت في الفرحه تهيص
